Почитувани,

пријавете се за натпреварите организирани од ЗМП треба да се направи на следниов начин:

• Пополнете соодветна онлајн пријава водејќи сметка за точноста на податоците и за соодветното писмо. Пријавите пополнете ги на македонски јазик и македонска кирилична поддршка за фонтот, соодветно пополнете и пријава на албански јазик доколку тоа е наставниот јазик во училиштето.
• Со оглед дека само државниот натпревар ќе биде одржан со присуство во живо, во пријавите наведете линкови до Јутуб каде претходно сте ги прикачиле снимките. Секоја изведба да биде во посебно видео со јасно назначени и препознатливи податоци на видеото. Проверете дали линковите сигурно функционираат пред да ја испратите пријавата. Не е дозволено студиски снимки, монтирани снимки или снимки со повеќе камери и микрофони. Ваквите снимки ќе бидат дисквалификувани.
• Сите учесници треба да уплатат котизација за учество на натпреварот на сметката на ЗМП. Секоја пријава да биде проследена со посебна уплата. На уплатницата во „Цел на дознаката“ јасно да се назначи за кој кандидат е уплатата. За индивидуалните дисциплини да се наведе името и презимето на натпреварувачот, а за ансамблите името на училиштето и за каков ансамбл се работи. Котизацијата се уплаќа на следната сметка: Здружение на музичките педагози на Република Македонија, број на сметка 300000001410804, депонент на Комерцијална банка – Скопје.
• Крајниот рок за пријавување е до 7:00 ч. на 25 Април по што комисијата ќе пристапи кон оценување на кандидатите. Прворангираните на регионалниот натпревар ќе се пласираат и ќе настапат на државниот напревар што ќе се одржи во Прилеп за индивидуални натпреварувачи на 9 Мај и во Скопје за ансамбли на 11 Мај 2024.

На сите учесници кои ќе се пријават им посакуваме успешни настапи! Да живее музиката!